mánudagur, apríl 11, 2005

Where is my spring?

Búinn með leiðinlega heimaverkefnið og get farið að sofa og vonast til þess að ég verði í stuði til þess að gera eitthvað af skemmtilegu heimaverkefnunum annað kvöld, dagurinn sjálfur er fullbókaður. Hvenær á maður eiginlega að komast á bíó aftur? Svo vil ég fara að fá vinnu. Einmitt núna er þetta óþolandi tímabil að bresta á þar sem maður er að stressa sig á hvar maður fái vinnu í sumar, bankabókin er komin á gjörgærslu og heilt fjall af verkefnum bíða eftir manni og mann langar bara að eiga líf með góðri samvisku og fá smá gott veður svona einu sinni. Líf íslenskra námsmanna í hnotskurn líklega.

Ákvað þó að eiga mér smá líf á föstudaginn og gaf samviskunni frí sökum þess. Sveik lit og fór í bókmenntafræðiparti hjá Davíð. Þó ekki, enda bókmenntafræðinemi að þriðjungi og bókmenntafræðingur fyrir utan að vera afsakplega bókmenntafræðilegur á litinn. Fölur sem sagt. Mjög gaman, enda kominn með alvarleg fráhvarfseinkenni, tvö ár síðan ég hef stundað þessar göfugu samkomur. Síðan þá er búið að þjálfa upp sirkusmeistara sem þagði í einbeittri íhugun fyrsta klukkutíma partísins áður en hann hófst handa við stórhættuleg og vafasöm sýningaratriði sem ekki mun verða upplýst nánar um hér. Annars einstaklega fallegt og djúpviturt fólk á staðnum þó vissulega hafi afbyggingar á OC og Nágrönnum farið eitthvað fram hjá mér enda í sjónvarpssvelti ef RÚV er undanskilið. Svo dreymdi mig vel á eftir en get ómögulega munað hvað.

3 Comments:

Blogger Hrund said...

Ég geri ráð fyrir að partý með bókmenntafræðinemum hafi einungis verið upphitun fyrir stórkostlegt húllumhæ sem er framundan með eldhressum Snápum sem geta ekki einu sinni hunskast til að halda fyrstu vísindaferðinni gangandi með því að....&%")?*

Seeegi svona, en við gerum eitthvað sniðugt:)

2:59 f.h.  
Blogger Hrund said...

Ég geri ráð fyrir að partý með bókmenntafræðinemum hafi einungis verið upphitun fyrir stórkostlegt húllumhæ sem er framundan með eldhressum Snápum sem geta ekki einu sinni hunskast til að halda fyrstu vísindaferðinni gangandi með því að....&%")?*

Seeegi svona, en við gerum eitthvað sniðugt:)

2:59 f.h.  
Blogger Ásgeir said...

Já auðvitað. Annars var náttúrulega aðalástæðan fyrir því að fara í bókmenntafræði að fá útrás fyrir alla brandarana sem Ingveldur ein hefði verið líkleg til að fatta eftir að Karen hætti ...

5:34 f.h.  

Skrifa ummæli

<< Home